×

Үүл гэж юу вэ?

Үүл нь янз бүрийн хэмжээ, хэлбэртэй байдаг. Жижиг, том зарим нь бүр хөвсгөр ч бий.

Үүлс нь хэд хэдэн өнгөтэй. Цагаан, саарал, хар бүр улаан ч байж болно.

Энгийнээр тэнгэрт байгаа үүлний өнгөнөөс хамаарч бороо орох эсэхийг мэдэж болно.

Хэрэв тэнгэрт үүл байхгүй бол бороо, мөндөр, нойтон цас ба цасны аль нь ч орохгүй!

Үүлс хэрхэн үүсдэг вэ?


Чийгтэй агаар дээшээ өгсөж, хөрөн, чийгээр ханах үед үүлс үүснэ.

Чийглэг агаар дах усны уур конденсацилагдсаны дүнд жижиг усан дуслууд үүсч, улмаар үүл үүсэх нөхцөл бүрдэнэ.

Чийглэг агаар дээш хэрхэн өгсөж буйгаас хамаарч өөр өөр үүл үүснэ.

Үүлний төрлүүдийг хэрхэн нэрлэдэг вэ?



Cirrus/Сэмжин үүл/: Үсний долгиотсон хэсэг шиг харагддаг өндрийн мөсөн үүл.



Cirrocumulus/Сэмжин бөөн үүл/: Нимгэн мөсөн хучлага нь жижиг долгиолог хэлбэрийг бий болгоно. Тэдгээр үүлс нь тогтворгүй цаг агаарын дохио болдог



Altocumulus/Өндрийн бөөн үүл/: Жижиг долгиолог, орооцолдсон ба суваг хэлбэр үүсгэн задарсан саарал болон цагаан өнгийн нимгэн хучлага мэт үүл.



Altostratus /Өндрийн давхраат үүл/: Нар нэвт гэрэлтэж харагддаг, саарал үүлний нимгэн давхарга. Хэрэв энэ үүл зузаарвал бороо орж магадгүй.



Nimbostratus /Борооны давхраат үүл/: Саарал үүлний зузаан давхарга. Энэ үүлнээс бороо цас орно. “Nimbus” гэдэг нь латинаар бороо гэсэн үг юм.



Stratocumulus /Давхраат бөөн үүл/: Доод мандлын үүлний давхарга зүйсэн эсвэл орооцолдсон мэт ангархай харагдана. Эдгээр төрлийн үүл нь ихэвчлэн жигд хэлбэр дүрстэй.



Stratus /Давхраат үүл/: Уг доод мандлын үүл нь саарал өнгөтэй хучлага мэт харагдана. Заримдаа энэ төрлийн үүлнээс шиврээ бороо, бороо орно.



Cumulus /Бөөн үүл/: Хавтгай суурьтай хөвсгөр үүл. Оройн хэсэг нь хөвөн шиг харагддаг. Энэ үүл нь ихэвчлэн нартай өдөр үзэгдэнэ.



Cumulonimbus /Аянгын хамжлагатай борооны бөөн/: Аянга цахилгаантай аадар бороо ирж байгааг илтгэх сүрлэг бөөн үүл!

×
×
×
×
×
×
×
×
×
×