Уур амьсгалыг тодорхой хугацааны дундаж цаг агаар гэж тодорхойлж болно. Харин уур амьсгалын өөрчлөлт гэдэг нь цаг агаарын мэдэгдэхүйц өөрчлөлтийг /жишээлбэл, температур, хур тунадас, эсвэл салхи) хэлэх бөгөөд энэ нь хэдэн арван жил ба түүнээс дээш удаан хугацаагаар үргэлжилснээр тодорхойлогдоно.
Хүлэмж гэдэг нь ногоо ургуулах зориулалттай шилээр хийсэн жижиг байшинг хэлнэ. Энэ хүлэмж нь нарны гэрлийг өөртөө барьж, дулаан алдахаас сэргийлэх зорилготой ба уг хүлэмж дотор гадна орчноос илүү дулаан байна. Нарны гэрэл шилээр нэвтэрч хүлэмжийн дотор хэсэгт дулаан агаар хуримтлагдаж байгаатай яг ижил замаар буюу агаар мандлаар дамжин газрын гадарга орчимд нарнаас ирж буй дулаан хуримтлагддаг. Нүүрсхүчлийн хий, метан ба усны уур зэрэг агаар мандлын тодорхой хийнүүд нарнаас ирж буй дулааныг өөртөө шингээн барьдаг. Байгаль дахь хүлэмжийн хийнүүд дэлхийг бүрхсэн даавуу мэт дулааныг хадгалах нөлөө үзүүлдэг. Харин хүн төрөлхтөн нэмэлт хүлэмжийн хий ялгаруулж байгаагаас үүдэн илүү их дулаан газар орчимд хуримтлагдаж байна. Үүний улмаас дэлхийн температур нэмэгдэж, дэлхийн дулаарлыг бий болгодог. Бид агаар мандалд хүлэмжийн хийн хэмжээг нэмэгдүүлсээр байвал температур нэмэгдсээр байх болно гэж эрдэмтэд нотолж байна.
Дэлхийн дулаарлаас үүдэлтэй уур амьсгалын өөрчлөлт нь бидний хүрээлэн буй орчныг өөрчилдөг.
Мөсөн голууд хайлж, далайн түвшин нэмэгдэж, эрэг орчмын газарт хүн амьдрах боломжгүй болно.
Уур амьсгалын өөрчлөлт нь газар тариалан, хүнсний хангамжид нөлөөлнө. Зарим амьтан, ургамлын
төрөл зүйл нь амьдрах орчноосоо шахагдаж, устах аюулд орж болзошгүй (жишээлбэл, цагаан баавгай).
Үйлдвэржилтийн эрин үеэс хойш агаар мандалд хүлэмжийн хийнүүд
ялгаруулсаар ирсэн. Ойгүйжилт мөн шатдаг түлш зэрэг нь агаарт
ялгарч буй хүлэмжийн хийн асуудлын гол үүсвэрүүд юм. Дэлхий
5 тэрбум жилийн настай ч олон мянган жилийн турш дэлхийн
уур амьсгал аажмаар өөрчлөгдсөөр ирсэн байдаг.
Бидний мэдэх
уур амьсгалын өөрчлөлт ихэвчлэн сүүлийн 50 жилийн хугацаанд
тохиолдсон байна. Өнгөрсөн 100 жилийн хугацаанд дэлхийн
температур 1 градус цельсээр нэмэгдсэн бол дараачийн зуунд 2-6
градус цельсээр нэмэгдэнэ гэсэн таамаг байна.
Температурын маш бага өөрчлөлт дэлхийн энергийн тэнцвэрийг
алдагдуулдаг. Бидний өдөр тутмын амьдрал дахь энгийн үйлдлүүд
хүлэмжийн хийг маш амархан бий болгодог. Харин бид дараах
зүйлсийг хийснээр хүлэмжийн хийг бага ялгаруулах, аль болох
ялгаруулахгүй байж болно.
